MissieOns missie/oogmerk:
Die bevordering van kennis, beskerming en aanplanting van bome en die behoud van boom-oorheersde ekostelsels as 'n bydrae tot persoonlike verryking en volhoubare omgewingsbestuur. Ons doelstellings: Die bevordering van dendrologiese kennis by sy lede as bydrae tot persoonlike verryking deur uitstappies, lesings, kursusse, simposiums, herbariums, versameling en verspreiding van dendrologiese kennis, webwerwe en publikasies. Hulp met die bevordering en bewusmaking van die Suid-Afrikaanse publiek en staatsdepartemente van kennis van bome in die belang van die beskerming van bome en die behoud van boomoorheersde ekostelsels as 'n bydrae tot volhoubare omgewingsbestuur. Bystand aan die publiek van tegniese dienste soos identifikasie van bome, opmeet van bome en ander kundigheid en vaardighede. Aanmoediging van wetenskaplike navorsing oor dendrologie.Daar is verskeie streekstakke in al die provinsies en lede sluit aan by die naaste tak. Takke organiseer uitstappies waar boomkunde en boomidentifikasie be-oefen word. |  Foto: Naas Grové |
