Picture
Marakele Nasionale Park se Ereveldwagters nooi entoesiastiese boomliefhebbers uit na ‘n ongelooflike naweek (17-19 September 2010) in ‘n magiese gedeelte van die Park wat nie normaal­weg toeganklik is vir toeriste nie om bome te kom identifiseer onder die bekwame begeleiding van die President van die Dendrologiese Vereniging van Suid-Afrika. 

Avonturiers kan berg-, woud-, grasveld of vleilandhabitatte besoek op soek na spesifieke bome, of om meer te wete te kom van spesies in hierdie habitatte.

‘n Beperkte aantal entoesiaste sal tuisgaan onder ongesofistikeerde omstandighede: in ‘n ou plaashuis met twee slaapkamers vir 2-3 mense elk wat deel, of in tente. Bring u eie linne en beddegoed, drinkgoed, persoon­like benodigdhede, insekweermiddels, sonhoed en –room, knibbelkos en drank en die (toepaslike) boomboeke waaroor u beskik, sowel as ‘n vergrootglas indien u een het.

Kom geniet die vrede en vreugde van ‘n wildernisgebied sonder elektrisiteit of selfoonontvangs of ander kam­peer­ders; kyk of u ander spesies kan identifiseer waar die Outeniek­wa­geel­hout (Podocarpus falcatus) tot 30m hoog staan; ontspan langs die dam waar onder andere verskeie Ficus-soorte en bergkaree groei; geniet die asembenemende prentjie van honderde Burkea africanas (Wilde sering) voordat u verder tussen welige inheemse bome aan die voet van die Waterberg beweeg.

 Kom sit saans lang die vuur in die veld onder die helderste Afrikasterre tydens of na aandete en ervaar vrede.

 Plek: Die De Ridderhuis in Marakele Nasionale Park (naby Thabazimbi)

Datums: 17-19 September 2010

Prys: R2 000.00 p.p. – insluitend alle etes, interne vervoer en Parktoegang.

Gids: Naas Grové, President van die Dendrologiese Vereniging van Suid-Afrika

NB: Alleenlopers is welkom. Ongelukkig word geen kinders toegelaat nie.

Verdere inligting beskikbaar van proflouw@telkomsa.netBesprekings met volle betaling word gedoen by die Marakele EV-voorsitter, Ampie Venter, by ampie@thabanet.co.za of telefoon 083 258 5924.


 


Comments




Leave a Reply